4 Na Benepisyo ng Pag-aaral ng Free TESDA Online Courses

Ni: Dave Calpito

Hanggang ngayon, patuloy na nag-o-offer ang TESDA ng free online courses sa sino mang may gustong mag-enroll at mag-aral, basta Pinoy.

Naririto ang ilang mga benepisyo ng pag-aaral ng libreng online courses sa TESDA sa ilalim ng TESDA Online Program o eTESDA.

Una, maraming pwedeng pagpipiliang mga kurso, mula sa Information Technology, Cooking, Automotive, Housekeeping, Electronics, at marami pang iba -- sakto ang mga ito kung gusto mong palawakin ang iyong kaalaman o matuto ng bagong skills.

Ikalawa, siyempre online ang mga ito. Kahit pa nasa loob ka ng iyong tahanan, posible pa ring mag-aral sa ilalim ng eTESDA. Mas safe na kaysa face-to-face, naitutuon mo pa ang atensiyon mo sa mas produktibong bagay kaysa sa krisis naka-pokus.

Ikatlo, libre ang TESDA courses sa TESDA Online Program. Yes, zero payment ang mag-aral dito. Pero siyempre, kailangang meron kang gadget, kagaya ng kompyuter, cellphone, o tablet at Internet connection.

Ikaapat, makakakuha ka ng certificate mula sa TESDA na gagamitin mo later on sa pagkuha mo ng National Certification II at pang-apply siyempre sa trabaho. Muli, maraming TESDA free online courses 2021 with certificate kang pagpipilian.

Ngayon, paano mag-sign-up o mag-enroll? Madali lang at online ang pagsa-sign-up dito. Pumunta ka lang sa e-tesda.gov.ph at sundan mo lang ang instructions sa nasabing website.

Tara at mag-aral!