by: DAVE CALPITO
Nais mo bang mapataas ang iyong interes sa pag-aaral? Naghahanap ka ba ng mga paraan para maging mas masipag sa pag-aaral?
Naririto ang ilang mga tips na dapat mong sundan:
Mag-pokus sa subject kung saan ka interesado
Kapag kasi inaaral mo ang isang bagay na interesado ka, mas magiging masaya at madali ang pag-aaral. Mag-pokus ka sa subject na may kinalaman sa iyong interes at pangarap.
Gumamit ng educational apps
Sa tulong ng modernong teknolohiya, kagaya halimbawa ng mga bagong educational apps, mas pinadali ang pag-aaral. Makatutulong din kapag nanonood ka ng video tutorials at sumasali sa online forums upang mas maintindihan mo ang iyong mga lesson.
Hanapin ang halaga ng pag-aaral
Makatutulong kung alam mo sa sarili mo kung bakit ka nag-aaral. Anu-ano nga ba ang mga benepisyo ng pag-aaral sa pagkamit ng iyong mga pangarap sa buhay? Bakit ito mahalagang instrumento upang, halimbawa, ay maiahon ang iyong pamilya sa hirap o 'di naman kaya ay para makuha ang respeto ng ibang mga tao.
Maghanap ka ng study buddy
Mas nagiging produktibo rin ang pag-aaral kung may katuwang ka. Kaya, maghanap ng classmate o kaibigan na gustong tumulong sa iyo upang mas maintindihan mo ang iyong mga lesson. Nagagawa rin nitong mas masaya ang pag-aaral.
Sumali sa extracurricular activities
Mas nakakatulong din upang mas lumalim ang iyong interes sa mga bagay-bagay at mapalawak pa ang iyong kaalaman kung sumasali ka sa extracurricular activities, kagaya ng pagvo-volunteer, pagsali sa sports at club, at marami pang iba. Bukod sa nakakapagbigay na ito ng bagong karanasan, maaari ka pang makahanap ng mga bagong kaibigan na makatutulong sa iyo sa iyong lalo pang paglago.
Sa pamamagitan ng mga tips na nabanggit sa itaas, siguradong mas magiging mataas ang iyong interes sa pag-aaral at magiging mas matalino sa maraming bagay.
