Hindi na siguro bago sa’yo na makarinig ng ilang mga indibidwal na nag-give-up sa kanilang trabaho dahil sa ika nila ay stressful na environment nito. Opo, talagang gigive-up ang iyong katawan kapag masyado kang stressed sa iyong trabaho.
 |
Photo by Nathan Cowley from Pexels |
Kaya naman, ang sagot, ayon sa ilang mga eksperto, sa stress sa trabaho: Ehersisyo.
Kinakailangang malusaw ang stress hormones sa ating katawan nang sa gayon ay maiwasan ang mga sumusunod na sakit: thyroid malfunction, high blood pressure, heart disease, impaired memory at iba pa.
Ilan pa sa mga positibong epekto ng pag-eehersisyo ay ang mga sumusunod:
Nakagaganda ng mood.
Iniiwas nito ang isipan sa stress.
Nirerelax nito ang ating katawan.
Pinatitibay nito ang mga kalamnan at buto.
Tinutulungan nito ang katawan na malabanan ang pagod at stress.
Kaya naman, kada linggo, siguraduhing makapag-ehersisyo nang limang beses, 30 minuto bawat isa. Maaari kang pumunta sa YouTube para manood ng mga guided exercises na pwede mong gawin sa inyong bahay. -- DAVE CALPITO
