Paano Magsulat ng Epektibong Photo Caption: Gabay sa Photojournalism

Ni: DAVE CALPITO 

Isa sa mga maaaring magpanalo sa isang kalahok sa photojournalism ay ang kaniyang caption -- bukod siyempre sa kalidad ng kaniyang kinunang larawan.

Kaya, kung gusto mong matuto ng pagsusulat ng epektibong photo captions para mas malaki ang tiyansang manalo ka sa press conference na sasalihan mo, basahin mo ang artikulong ito.

Kabilang sa mga tatalakayin ay ang wastong format at ilang mga teknik na maaari mong ikonsidera.

"Avoid the Known; Explain the Unknown"

Ang caption ang magbibigay ng konteksto sa kinunan mong larawan. Kung madrama o maaksiyon ang iyong kinunang larawan, ang caption ang lalo pang magbibigay-drama o aksiyon sa kabuuan ng iyong larawan.

Isa sa kailangan nating isaalang-alang sa paglalagay ng caption, na lubhang napakahalaga, ay "avoid the known; explain the unknown."

Anong ibig sabihin nito?

• Huwag mag-settle sa obvious o sa surface-level explanation. Huwag mo lang ilarawan ang "visible" sa larawang kinunan mo. 
• Magsaliksik pang lalo hinggil sa subject mo tungkol sa kaniyang hidden o untold stories. 
• Magbigay ka ng konteksto o background information para mas lalong maintindihan ng audience mo ang kuwento sa likod ng larawang kinunan mo, partikular sa iyong subject sa larawan. 
• Sa pamamagitan ng iyong caption o sulatin, magbigay sa audience ng dagdag na insights o impormasyon hinggil sa iyong subject. 

Isa sa pinakamabisang teknik para magawa mo ito ay ang pag-iinterbyu sa mga taong may kinalaman sa iyong kino-cover na istorya. Kailangan mo ring kunin ang mga detalye ng iyong subject, ang Who, Where, When, What, Why, at How ng kabuuang istorya nang sa gayon ay mas malaman ang iyong caption. 

Kung makikita ng judge na ikaw ay nagsaliksik hinggil sa iyong istorya, idagdag pa ang magandang kalidad ng iyong larawan, paniguradong malaki ang tiyansa mong manalo sa kumpetisyon.

Who, Where, When, What, Why, at How

Naririto ang kailangan mong kunin kapag nagco-cover ka:

WHO:

• Sinu-sino ang mga tao sa iyong larawan (pangalan, edad, relationships)?
• Alamin din ang grupo, organisasyon, at komunidad

WHAT:

• Ano ang main action o event na nangyayari sa larawan?
• Ipaliwanag ang konteksto o sitwasyon

WHEN:

• Magbigay ng impormasyon hinggil sa petsa, oras, o time period
• May mahalaga bang pagdiriwang na kasabay ng event?

WHERE:

• Ano ang lokasyon ng pangyayari (city, bansa, landmark, at iba pa)
• Magbigay ng konteksto hinggil sa setting (e.g., sa labas ng City Hall, bakit sa labas hindi sa loob)

WHY:

• Ipaliwanag ang significance o purpose ng pangyayari
• Magbigay-konteksto tungkol sa issue, dahilan, at epekto ng nasabing event

HOW:

• Ilarawan ang proseso ng pangyayari
• Ipaliwanag paano nangyari ang event o paano nakamit ang isang bagay na ipinapakita sa larawan

Hangga't maaari, maging detalyado. Inuulit ko, ito ang isa sa mga magpapanalo sa isang campus journalist kumpara sa ibang mga baguhan sa kategoryang ito. Malalaman ng hurado na eksperto ka na sa photojournalism kung may pananaliksik kang isinagawa -- kasabay pa ng magandang larawan at maayos na sulatin.

WASTONG FORMAT ng PHOTO CAPTION

1. CATCHLINE (o pamagat):

• Maiksi lang dapat pero attention-grabbing na headline na nag-sa-summarize sa content ng iyong larawan
• Kadalasan, nasa hanggang apat na mga salita lang na naka-bold o italicize para mag-stand-out
• Ang goal mo dapat rito ay hikayatin ang audience mo na basahin ang kabuuan ng iyong photo caption.

2. BODY (o deskripsiyon):

• Informative na pangungusap na magbibigay sa konteksto at detalye hinggil sa larawan
• Kadalasan nasa isa hanggang tatlong mga pangungusap lang na nasa regular font
• Sinasagot dapat nito ang 5 Ws at 1 H (who, what, when, where, why, and how)

3. PHOTO CREDITS (o attribution):

• Linya sa caption na naglalaman ng pangalan ng photographer, o ng agency o publication
• Nasa hulihan ng caption

Halimbawa: "Photo: John Doe/Getty Images"

IBA PANG TIPS

Naririto pa ang ilang dagdag na tips para siguradong mananalo ka sa kumpetisyon:

• Gumamit ng active voice para mas madali at nakaka-engganyong basahin ang iyong caption.
• Gumamit ng descriptive na mga salita para maipinta sa isipan ng mambabasa ang kaganapan sa event na iyon, ika nga ay "show, don't tell."
• Hangga't maaari, gawing maiksi at "to the point" o concise ang iyong caption. Iwasang gumamit ng jargon o napaka-complex na lenggwahe.
• Siguraduhing walang mali sa iyong spelling at grammar. Malaking kabawasan ito pagdating sa hurado. I-proofread ang iyong sulatin bago mo ito i-submit.
• Sumunod sa ibibigay na instructions bago ang kumpetisyon para hindi madisqualify.
• Kailangang kumpleto at comprehensive ang iyong istorya.
• Matutong mag-fact-check o mag-verify ng accuracy ng mga impormasyon. I-double-check ang mga pangalan, petsa, at iba pang mga detalye.
• Iwasang maging bias. Mag-presenta ng balanseng perkspektiba.
• I-improve ang iyong photography skills. Maraming mga tutorials mula sa eksperto sa photography sa YouTube, halimbawa. I-take advantage ang mga video na ito para matuto. Matuto rin mula sa iyong mga kapwa campus journalists.
• Maging respectful sa mga taong nakakasalamuha mo, lalo na sa iyong mga subject.
• Matuto sa pag-o-obserba sa mga detalye. Baka ito ang magpanalo sa iyo.
• Maging updated sa best practices at trends.

Naririto ang ilang mga halimbawa:

Hayan, sa pamamagitan ng tutorial na ito hinggil sa pagsusulat ng epektibong photo captions, siguradong mas may tiyansa kang makaabot sa National Schools Press Conference para irepresenta ang iyong rehiyon kaysa sa iyong mga katunggali.

I-share ito sa iyong mga kakilalang gustong matuto ng photojournalism.